ਬਖਸ਼ੀਆਂ ਹੋਈਆਂ ਰੂਹਾਂ | Bakhshian Hoian roohan

ਬਖਸ਼ੀਆਂ ਹੋਈਆਂ ਰੂਹਾਂ |

Bakhshian Hoiyan Roohan

ਬਖਸ਼ੀਆਂ ਹੋਈਆਂ ਰੂਹਾਂ | Bakhshian Hoian roohan

ਜੁੜ ਬੈਠੀਆਂ ਨੇ,

ਸੱਚ ਦੇ ਦਰਬਾਰ ‘ਚ,

ਬਖਸ਼ੀਆਂ ਹੋਈਆਂ ਰੂਹਾਂ,

ਤੇ ਗੱਲਾਂ ਕਰਦੀਆਂ ਨੇ ਸੱਚ - ਕੱਚ ਦੀਆਂ,

ਸੱਚ ਨੂੰ ਕੱਚ ਨਾਲੋਂ,

ਨਿਖੇੜ - ਨਿਖੇੜ ਕਰਦਿਆਂ ਵੱਖ,

ਮਨ- ਬੁੱਧੀ ਦੀ ਚਾਦਰ ਤੇ,

ਪਾਈ ਜਾਂਦੀਆਂ ਛਾਪ ਸੱਚ ਦੀ,

ਆਤਮਾ ਦੀ ਕਾਲੀ ਪੱਟੀ ਨੂੰ,

ਧੋਂਦੀਆਂ ਸ਼ਬਦ ਦੇ ਸਾਬਣ ਨਾਲ।  

ਪੀਂਦੀਆਂ ਅੰਮ੍ਰਿਤ ਦੇ ਘੁੱਟ,

ਡੁਬਦੀਆਂ - ਤੈਰਦੀਆਂ ਆਨੰਦ ਦੇ ਸਾਗਰਾਂ,

ਨਿਤ ਦੀਆਂ ਨ੍ਹਾਤੀਆਂ - ਧੋਤੀਆਂ,

ਨਵੀਆਂ,ਨਿਖਰੀਆਂ, ਖਿੜੀਆਂ,

ਜੁੜ ਬੈਠੀਆਂ ਨੇ ਆਪਣੇ ਵਜੂਦ ਨਾਲ,

ਇੱਕ ਨਾਲ ਇੱਕ -ਮਿੱਕ ਹੋਈਆਂ,

ਇੰਝ ਕਾਗੋਂ ਹੰਸ ਬਣੀਆਂ

ਅਨਹੱਦੇ ਨਾਲ,

ਹੋ ਬੈਠੀਆਂ ਇਕ ਸੁਰ - ਤਾਲ,

ਸੱਚਮੁੱਚ ਹੀ, ਬਖਸ਼ੀਆਂ ਗਈਆਂ ਨੇ,

ਸੱਚ ਦੇ ਦਰਬਾਰ ‘ਚ,

ਜੁੜ ਬੈਠੀਆਂ ਇਹ ਰੂਹਾਂ।

ਇਹ ਵੀ ਪੜ੍ਹੋ : ਸਹਿਜ | Sahaj